CALIKID NORTE ELEMENTARY SCHOOL
Moving Forward for Excellence
Kauna-unahang automated SPG election, naisakatuparan
March 6, 2018
Naisakatuparan sa Calikid Norte Elementary School ang kauna-unahang automated election dito para sa mga bagong opisyal ng Supreme Pupil Government o S-P-G.
Naging posible ang automated na botohan sa pamamagitan ng iprinogramang voting sheet sa Microsoft Excel ng ICT Coordinator ng Calikid Norte Elementary School na si Gng. Charissa Rose Quirante.
Sa naturang automated voting sheet, itinatype ng botante ang salitang VOTE sa tapat ng larawan ng ibinoto.
Nakagabay ang guro sakaling hindi pa marunong ang estudyante sa pagtatype.
Isinulong ang automated election sa Calikid Norte Elementary School dahil sa tagubilin ng punong-guro nito na si G. Allan David Valdez.
Katulong ang mga guro at sa pamamatnubay ng S-P-G adviser na si Gng. Cindy Gonzales, napabilis kaysa sa dati ang naging botohan.
Inirekomenda naman ni G. Valdez sa susunod na botohan na gawing de-click sa larawan ng iboboto ang gawin upang mas maging mabilis at madali pa ang botohan.
