CALIKID NORTE ELEMENTARY SCHOOL

      May stable internet connection na ngayon ang Calikid Norte Elementary School.

​

      Ito ay naging posible dahil sa pagpaplano ng mga guro at dating O-I-C principal ng Calikid Norte Elementary School na si P-S-D-S Dr. Julie E. De Guzman.

​

      Nagawa kasi nilang maplano at maisama sa annual improvement plan ng paaralan ang pagpapakabit ng internet connection na isinakatuparan naman ng bagong punong-guro ng Calikid Elementary School na si G. Allan David Valdez.

​

      Bukod sa internet connection ay may permanente na ring contact number ang Calikid Norte Elementary School dahil sa kabundle na wireless land line.

​

      Malaking tulong naman ang internet connection sa mga guro sa pag-uupdate ng impormasyon ng mga bata sa L-I-S at pagdodownload ng mga teaching at learning materials sa L-R-M-D-S portal.

​

      Tulong rin ito sa pamunuan ng Calikid Norte Elementary School sa agarang pag-aksiyon sa mga online rush reports na hinihingi ng iba’t-ibang unit sa Division Office.

​

      Globe Telecom ang provider ng Calikid Norte Elementary School dahil ito lamang ang may stable at malakas na signal sa lugar.